निसास्सिएर डडेल्धुरामा दुईजनाको मृत्यु
माघ,२२ काठमाडौं । डडेल्धुरामा निसास्सिएर दुईजनाको मृत्यु भएको छ । जिल्लाको अमरगढी नगरपालिका– १ मालमकी ६० वर्षीया धौलीदेवी दियाल र २६ वर्षीया पुनम दियालको मृत्यु भएको जिल्ला प्रहरी कार्यालय डडेल्धुराका प्रहरी निरीक्षक कुसुम नायकले बताए ।
बिहान बेहोस भेटिएका उनीहरूलाई डडेल्धुरा अस्पताल ल्याइएकोमा अस्पतालले मृत घोषणा गरिसकेको प्रहरी निरीक्षक नायकले बताए । उनका अनुसार मृतक दुवै सासू–बुहारी हुन् ।
