सरकारले सुशासनका पक्षमा गरेका कामलाई राजनीतिक रङ दिन हुन्न : जनार्दन शर्मा
माघ, २४ काठामाडौं । नेकपा माओवादी केन्द्रका उपमहासचिव जनार्दन शर्माले सुशासन, समृद्धि र सामाजिक न्यायको पक्षमा सरकारले गरेको कामलाई राजनीतिक रङ दिन नहुने बताए ।
आज प्रतिनिधिसभा बैठकमा बोल्दै उपमहासचिव शर्माले सरकारले सुशासन, समृद्धि र सामाजिक न्यायको पक्षमा पहलकदमी बढाएको बताएका छन् । उनले सरकारको यो पहलकदमीका लागि संसदको खबरदारी र सहयोग आवश्यक रहेको बताए ।
प्रतिनिधिसभा सदस्यसमेत रहेका शर्माले प्रधानमन्त्री पुष्पकमल दाहाल प्रचण्डले नयाँ ढंगले काम गर्न चाहेको उल्लेख गर्दै यसका निम्ति राज्यसंयन्त्र र संरचनाको कार्यशैलीमा परिवर्तन आवश्यक रहेको बताए । उनले कानुनअनुसार कारबाही भइरहेको विषयलाई राजनीतिकरण गर्नु नहुने उनको भनाइ छ ।
