सर्लाहीमा १० पोका गाँजासहित एकजना पक्राउ
फागुन,११ काठमाडौं । प्रहरीले १० पोका रिफाइन गाँजाको प्याकेटसहित सर्लाहीबाट एकजनालाई पक्राउ गरेको छ । जिल्ला प्रहरी कार्यालय सर्लाहीले निजी कारमा लुकाइछिपाई तस्करी गर्ने क्रममा गाँजाको प्याकेटसहित एकजनालाई पक्राउ गरेको हो ।
सर्लाही प्रहरी प्रमुख एसपी दयानिधि ज्ञवालीका अनुसार सर्लाहीको बागमती नगरपालिका- ३ नयाँ बस्ती चोकस्थित नयाँरोड बरहथवा सडक खण्डमा गोप्य सूचनाको आधारमा दक्षिणबाट उत्तरतर्फ आइरहेको बागमती प्रदेश ०१-०२६ च ५१५९ नम्बरको कारलाई चेकजाँच गर्दा कारभित्र लुकाइछिपाई ल्याएको १० पोका गाँजा बरामद भएको छ। एसपी ज्ञवालीका अनुसार पक्राउ पर्नेमा पूर्वी नवलपरासी गैँडाकोट नगरपालिका- ११ बस्ने वर्ष ३० का कार चालक सूर्य परियार छन् ।
