कुवेतमा सडक दुर्घटनामा परी तीन नेपालीको मृत्यु

चैत्र, १ काठमाडौं । कुवेतमा सडक दुर्घटनामा परी तीन जना नेपालीको मृत्यु भएको छ। मंगलबार बिहान महबुला क्षेत्रमा कारले ठक्कर दिँदा तीन नेपालीको घटनास्थलै मृत्यु भएको कुवेतस्थित नेपाली दूतावासका सूचना अधिकारी प्रेमराज गौतमले बताए ।

उनका अनुसार,, नागार्जुन नगरपालिका-२ सानोभर्याङ बस्ने सुजन कार्की, पञ्चदेवल विनायक नगरपालिका-५ अछामका सुरजबहादुर कडायत र वेंगाडावर-३ मिथिला नगरपालिका धनुषाका धिरज गुर्माछान मगरको घटनास्थलमै मृत्यु भएको हो।
उनीहरूको पासपोर्टमा भएको ठेगानाका आधारमा परिवारसँग सम्पर्क गर्ने प्रयास भइरहेको गौतमले बताए ।
उनले कुवेतको सबै प्रक्रिया पुरा गरेर र परिवारसँग सम्पर्क गरेर शवहरूलाई नेपाल पठाइने बताए। कुवेतको पापाजोन कम्पनीमा कार्यरत उनीहरू साथीलाई भेट्न गएका थिए। फर्किने क्रममा बाटो काट्दा कारले ठक्कर दिएपछि उनीहरुको मृत्यु भएको हो ।