जिप दुर्घटना हुँदा एक जनाको मृत्यु, ६ जना घाइते
चैत्र,५ काठमाडौं । दाङमा जिप दुर्घटना हुँदा एक जनाको मृत्यु भएको छ । बबई गाउँपालिका– १ गंगटेबाट तुलसीपुर बजारतर्फ आउँदै गरेको लु १ ज १४२७ नम्बरको जिप उकालोमा चढ्न नसकेर ब्याक भइ दुर्घटना भएको थियो ।
दुर्घटनामा गम्भीर घाइते भएका बबई गाउँपालिका – १ का ४५ वर्षीय जितबहादुर बुढाको तुलसीपुरस्थित राप्ती प्रादेशिक अस्पतालमा उपचारका क्रममा मृत्यु भएको प्रहरीले बताएको छ । दुर्घटनामा घाइते भएका ६ जनामध्ये चार जनालाई थप उपचारका लागि बाँके रिफर गरिएको छ ।
