मोटरसाइकलको ठक्करबाट पैदलयात्रीको मृत्यु

चैत्र,१६ काठमाडौं । भक्तपुरमा मोटरसाइकलको ठक्करबाट पैदलयात्रीको मृत्यु भएको छ। मृत्यु हुनेमा मध्यपुरथिमी नगरपालिका-२ सानोठिमीका ६२ वर्षीय राम थापा छन्।

हिजो बेलुका ७ बजे मध्यपुरथिमी नगरपालिका-२ आर्मी ब्यारेक नजिकैको सडकमा एउटा मोटरसाइकलले ठक्कर दिएको थियो। भक्तपुरका डिएसपी बसन्त पाठकका अनुसार मोटरसाइकलको ठक्करबाट गम्भीर घाइते भएका उनलाई उपचारका लागि मध्यपुरठिमी अस्पताल लगिएको थियो। उपचारका क्रममा साढे ७ बजे थापाको मृत्यु भएको डिएसपी पाठकले बताए ।