बस दुर्घटना हुँदा सल्यानमा १४ जना घाइते
बैशाख,५ काठमाडौं । सल्यानमा बस दुर्घटना हुँदा १४ जना घाइते भएका छन्। आज बिहान पौने ११ बजे बागचौर नगरपालिका वडा नम्बर २ सिङबाङस्थित राप्ति राजमार्ग अन्तर्गत दाङ-रूकुम सडकखण्डमा चल्ने बस दुर्घटनामा परेको हो।
रा १ ख २०८५ नम्बरको बस अनियन्त्रित भएर दुर्घटनामा परेको जिल्ला प्रहरी कार्यालय सल्यानका डिएसपी नवीन कार्कीले बताए । उनका अनुसार घाइते १४ जनामध्ये चार जनाको अवस्था गम्भीर छ। १० जना भने सामान्य छन्।
