सिंहदरबारमा मन्त्रिपरिषद्को बैठक आज बस्दै
बैशाख,१० काठमाडौँ । मन्त्रिपरिषद्को बैठक आज बस्दैछ । प्रधानमन्त्री पुष्पकमल दाहालले आज बिहान १० बजे सिंहदरबारमा बस्ने गरी बैठक बोलाएका हुन् ।
बैठकमा भोली हुने कतारका राजा अमिरको नेपाल भ्रमणका बारेमा छलफल गरिने मुख्य एजेण्डा रहेको प्रधानमन्त्रीको सचिवालयले बताएको छ।
कतारका राजा शेख तमिम बिन हमाद अल थानी भोली देखि दुई दिने नेपाल भ्रमणमा आउँदै छन् । कतारका राजाले नै नेपालको भ्रमण गर्न लागेको यो पहिलो पटक हो । भ्रमणमा श्रम सम्झौतालाई नेपालले प्राथमिकतामा राखेको छ ।
