एमालेका सुहाङ नेम्वाङ ३३ सयले अगाडि
बैशाख १७ काठमाडौं । इलाम–२ मा २५ हजार मत गणना हुँदा नेकपा (एमाले)का उम्मेदवार सुहाङ नेम्वाङले अग्रता कायमै राखेका छन्। फाकफोकथुम, चुलाचुली र माङसेबुङको १, २, ३ र ४ नम्बर वडाको मत गणना हुँदा एमालेका सुहाङले १० हजार ४१९ मत प्राप्त गरेका छन्।
उनका निकटतम प्रतिस्पर्धी नेपाली कांग्रेसका डम्बर खड्काले ७ हजार ६२ मत प्राप्त गरेका छन्। तेस्रो स्थानमा रहेका मुढा चुनाव चिह्न भएका डकेन्द्रसिंह थेगिमले ५ हजार ७५३ मत ल्याएका छन्।
चौथोमा राष्ट्रिय स्वतन्त्र पार्टीका उम्मेदवार मिलन लिम्बू रहेका छन्। उनले अहिलेसम्म १ हजार ४५१ मत ल्याएका छन्। एकीकृत समाजवादीका उम्मेदवार जीतबहादुर राईले २५८ मत ल्याएका छन्। इलाम–२ मा अहिलेसम्म २५ हजार ४५१ सदर मत गणना भएको छ।
