बत्तिसपुतलीमा युवकको हत्या
बैशाख,३० काठमाडौं । काठमाडौँ महानगरपालिका–९ बत्तिसपुतलीस्थित कुमारी टोलमा एक जना युवकको हत्या भएको छ । दुई समूहबिच झगडा हुँदा मोरङ घर भएका २४ वर्षीय शम्भु धिमालको हत्या भएको उपत्यका प्रहरी कार्यालयका एक जना अधिकृतले जानकारी दिए ।
हिजो साँझ ८ बजेतिर सडकमा झगडा हुँदा हत्या गरिएका धिमालको शव सिनामंगलस्थित केएमसी अस्पतालमा छ । घटनास्थलमा गम्भीर घाइते भएका धिमाललाई अस्पताल लगेपछि चिकित्सकहरूले मृत घोषणा गरेका हुन् ।
