भरतपुरमा स्कुल बसमा आगजनी
बैशाख,३० काठमाडौँ । चितवनको भरतपुर महानगरपालिका–२० स्थित दद्रेनी पुलमा स्कुल बसमा आगजनी गरिएको छ । स्मल हेभन बोर्डिङ स्कुलको स्वामित्वमा रहेको बागमति प्रदेश–०६–००१ क ००४५ नम्बरको बसमा अज्ञात समूहले आगजनी गरेको जिल्ला प्रहरी कार्यालय चितवनका सूचना अधिकारी डीएसपी भेषराज रिजालले जानकारि दिनुभयो ।
३ वटा मोटरसाइकलमा आएका व्यक्तिहरुले बसमा आगजनी गरेर भागेका हुन् । स्कुल बस विद्यार्थी लिन जाँदै थियो । भरतपुर नगरपालिकाको दमकलको सहायताले आगो नियन्त्रणमा लिइएको डीएसपी रजालले बताए ।
