भारतमा लोकसभा चुनाव अन्तर्गत चौथो चरणको मतदान जारी
भारतमा लोकसभा चुनावअन्तर्गत आज चौथो चरणको मतदान भइरहेको छ । १० राज्य र केन्द्र शासित प्रदेशका ९६ सिटका लागि बिहान ७ बजेदेखि मतदान शुरु भएको हो ।
आज समाजवादी पार्टीका अध्यक्ष अखिलेश यादव, पूर्वक्रिकेटर युसुफ पठान, अभिनेता शत्रुघ्न सिन्हालगायत १७ सय १७ उम्मेदवारका लागि मतदान भइरहेको बीबीसी हिन्दीले जनाएको छ ।
आजको चुनावमा १९ लाखभन्दा बढी मतदान केन्द्रबाट १७ करोड ७० लाख मतदाताले मतदान गर्नेछन् । लोकसभाका ५ सय ४३ सदस्य चयनका लागि अप्रिल १९ देखि शुरु भएको मतदान सात चरण अर्थात् जुन १ सम्म हुनेछ । सबै चरणको मतदान सकिएपछि जुन ४ मा मतगणना गरिनेछ । एजेन्सी
