गौशाला चोकमा महानगरले चलायो डोजर
जेठ,६काठमाडौं । काठमाडौं महानगरपालिकाले गौशाला क्षेत्रमा सडक अतिक्रमण गरी बनाइएका घरटहरामा डोजर चलाएको छ। आज बिहानैदेखि गौशाला क्षेत्रमा अतिक्रमण गरी बनाइएका संरचनामा महानगरले डोजर चलाएको हो।
काठमाडौं महानगरपालिकाका प्रवक्ता नविन मानन्धरले अतिक्रमण गरी बनाइएका घर टहरा भत्काउन यसअघि नै सूचना जारी गरिएअनुसार डोजर चलाइएको बताए ।
आफैं भत्काउनका भनेर १० दिन अघि सूचना निकालेका थियौं। आफैं नहटाएपछि महानगरले हटाउन लागेको हो, उनले भने। कति घरटहरा भत्काउन लागिएको भन्नेबारे जानकारी नभएको उनले बताए।
