कांग्रेसले पत्रकार सम्मेलन गर्ने
जेठ,१५ काठमाडौँ । सहकारी ठगीमाथि छानबिन गर्न संसदीय समिति गठनको सहमति आज बस्ने संसद् बैठकले पारित गरेपछि नेपाली कांग्रेसले पत्रकार सम्मेलन गर्ने भएको छ । कांग्रेस संसदीय दलका प्रमुख सचेतक रमेश लेखकले आज बस्ने प्रतिनिधिसभा बैठकपछि संसद् भवनको लोत्सेहलमा पत्रकार सम्मेलन गर्न लागेको बताए ।
आजको संसद् बैठकले सहकारी ठगीमा संलग्नमाथि छानबिन गर्न संसदीय समिति गठनका लागि सत्ता र प्रतिपक्षबिच भएको सहमति पारित गर्ने बताइएको छ । पत्रकार सम्मेलनमा प्रमुख सचेतक लेखकले सहकारी ठगीमा संसदीय छानबिन समिति माग गर्नुका कारण र भएको सहमतिबारे प्रस्ट पार्ने बुझिएको छ ।
