डोटीमा जिप दुर्घटना हुँदा दुई जनाको मृत्यु
जेठ, २३ काठमाडौं । दार्चुलाबाट धनगढी आउँदै गरेको जिप डोटीमा दुर्घटना हुँदा दुई जनाको मृत्यु भएको छ। आज बिहान सुदूरपश्चिम प्रदेश ०१-००१ ज १४८९ नम्बरको जिप बुडर नजिकै दुर्घटना भएको हो।
दुर्घटनामा परेर तीन वर्षीया रितिका सार्कीको मृत्यु भएको छ भने अर्का मृतकको पहिचान खुल्न बाँकी छ। यस्तै दुर्घटनामा ८ जना घाइते भएका छन्। इलाका प्रहरी कार्यालय बुडरका वरिष्ठ प्रहरी नायव निरीक्षक धनञ्जयकुमार मल्लका अनुसार घाइतेहरूको उद्धार गरेर निसर्ग अस्पतालमा उपचार भइरहेको छ ।
