बैतडीमा घरको छतमा ट्याक्टर खस्दा दुई बालिका घाइते
१६ असार, काठमाडौं। बैतडीमा घरको छतमा ट्याक्टर खस्दा दुई बालिका घाइते भएका छन् । मेलौली नगरपालिका–३ तल्खेतमा सु प प्र ०१ ००२ त ४३७० नम्बरको ट्याक्टर दुर्घटना भएर छतमा खसेको जिल्ला प्रहरी कार्यालयका प्रवक्ता एवं प्रहरी निरीक्षक बलराम पाण्डेयले बताए ।
घाइते हुनेमा स्थानीय ७ वर्षीया निकिता चन्द र ७ वर्षीया पूर्णिमा चन्द रहेका छन् । घाइते दुवैको पाटन प्राथमिक स्वास्थ्य केन्द्रमा उपचार भइरहेको छ । ढुङ्गा बोक्दै गरेको ट्याक्टर एक्कासी सडकबाट एक सय मिटर तल रहेको घरको छतमा खसेको प्रहरीले बताएको छ ।
ट्यायाक्टरले छतमा खस्दा घरमा समेत क्षति पुगेको छ । प्रहरीले ट्यायाक्टर चालक धनीराम डगौरालाई नियन्त्रणमा लिएको । दुर्घटनामा उनी सामान्य घाइते भएका छन् ।
