लेबनानमा रहेका आफ्ना नागरिकलाई सचेत हुन भारतीय दूतावासको आग्रह
काठमाण्डौ – लेबनानमा रहेको भारतीय दूतावासले त्यहाँ रहेका भारतीय नागरिकलाई सचेत रहन आग्रह गरेको छ । इजरायलले लेबनानको राजधानी बेरुतमा हिजबुल्लाह कमाण्डर र इरानको तेहरानमा हमासका शीर्ष नेताको हत्या गरेको खबर आएसँगै भारतीय दूतावासले आफ्ना नागरिकलाई सावधानी अपनाएर सुरक्षित तवरले बस्न सचेत गराएको हो ।
मध्यपूर्वमा द्वन्द्व बढ्न सक्ने अनुमान गरिएकोले लेबनानको भारतीय दूतावासले बढ्दो तनावलाई ध्यानमा राख्दै आवश्यक बाहेक लेबनान यात्रा नगर्न पनि आफ्ना नागरिकलाई आग्रह गरेको छ ।लेबनानमा रहेका भारतीयहरूलाई सावधानी अपनाउन, अनावश्यक आवतजावत नगर्न र भारतीय दूतावाससँग सम्पर्कमा रहन सल्लाह दिइएको छ । एजेन्सी
