कैलालीमा मोटरसाइकलको ठक्करबाट पैदलयात्रीको मृत्यु
साउन, ३२ काठमाडौं । मोटरसाइकलको ठक्करबाट कैलालीमा पैदलयात्रीको मृत्यु भएको छ। हिजो कैलारी गाउँपालिका–५ बैजपुर नजिक हुलाकी सडक खण्डमा से ६ प ३३३१ नम्बरको मोटरसाइकलले ठक्कर दिएको थियो।
मोटरसाइकलको ठक्करबाट पैदल यात्री ५५ वर्षीया पार्वती चौधरीको मृत्यु भएको छ। चौधरी मोटरसाइकलले ठक्कर दिँदा गम्भीर घाइते भएकी थिइन्। उनलाई उपचारको लागि निसर्ग अस्पताल धनगढी लगिएकोमा चिकित्सकले चेकजाँच गर्दा मृत्यु घोषणा गरेको जिल्ला प्रहरी कार्यालय बताएको छ । दुर्घटनामा मोटरसाइकल चालक कैलारी गाउँपालिका–७ बस्ने ४० वर्षीय हरिप्रसाद चौधरी घाइते भएका छन्।
