गलकोटमा जिप दुर्घटना, तीन जनाको मृत्यु
भदौ, २८ काठमाडौं । बागलुङको गलकोटमा जीप दुर्घटना हुँदा तीन जनाको मृत्यु भएको छ भने एक जना घाइते भएका छन् । गलकोट नगरपालिका–२ भुङ्खानीमा रा १ ज २०० नम्बर को पिकअप जीप दुर्घटना हुँदा दुई महिला र एक पुरुषको मृत्यु भएको हो भने एक जना घाइते भएका छन् ।
मृत्यु र घाइते हुने कसैको पनि पहिचान नखुलेको जिल्ला प्रहरी कार्यालय बागलुङका प्रहरी निरीक्षक प्रताप पौडेलले बताए। घाइतेलाई धौलागिरी अस्पताल बागलुङमा उपचार भइरहेको छ । जीप मध्यपहाडी लोकमार्गदेखि करिब तीन सय मिटर तल खसेको थियो । घटनाको थप विवरण आउन बाँकी रहेको प्रहरीले बताएको छ ।
