ट्रकको ठक्करबाट मोटरसाइकल चालकको मृत्यु
असोज, १ काठमाडौं । पश्चिम नवलपरासीमा हिजो साँझ ट्रकको ठक्करबाट मोटरसाइकल चालकको मृत्यु भएको छ। जिल्ला प्रहरी कार्यालय पश्चिम नवलपरासीका प्रहरी नायव उपरीक्षक रेशम बोहराका अनुसार पश्चिम नवलपरासीको रामग्राम ४ घोडपाली चोकको हुलाकी सडक खण्डमा ना ८ ख ७५४९ नम्बरको ट्रकको ठक्करबाट लु ०१–००२ प २०५४ नम्बरको मोटरसाइकल चालक ३७ वर्षीय प्रेम ढांडीको मृत्यु भएको हो ।
दुर्घटनामा परी गम्भीर घाइते ढांडीको पृथ्वीचन्द अस्पताल परासीमा उपचारको क्रममा निधन भएको प्रहरीले बताएको छ। ठक्कर दिने ट्रक र ट्रक चालक प्रहरीको नियन्त्रणमा रहेको छ।
