बारामा मृत हात्ती फेला
असोज, ६ काठमाडौं। बारा स्थित राष्ट्रिय जङ्गल नजिक वयस्क हात्ती मृत फेला परेको छ। स्थानीय कोल्हबी नगरपालिका–२ भलुवाही खोर जङ्गल छेउमा जङ्गली हात्ती मृत फेला परेको हो।
अहिले नेपाल प्रहरी, सशस्त्र प्रहरी र डिभिजन बन कार्यालय बाराको टोली घटनास्थलमा पुगेको छ। घटनास्थल पुगेका इलाका प्रहरी कार्यालय कोल्हवीका प्रमुख इन्स्पेक्टर किशन बस्नेतले बताए । इन्स्पेक्टर बस्नेतका अनुसार हात्तीको सुडमा सामान्य खतसँगै केही रगतको टाटा देखिएको छ। माथिबाट देखिएको हात्तीको शरीरमा कुनै घाउ खत देखिएको छैन।
अर्को तर्फ पल्टाउन जेसिवी मगाईदै छ। जेसीवीले पल्टाए पछि हात्तीको शरीरमा अर्को तर्फ घाउखत छ छैन देखिने इन्स्पेक्टर बस्नेतले बताए ।
