बसको ठक्करबाट एक जनाको मृत्यु
८ असोज काठमाडौं। कैलालीमा बसको ठक्करबाट एक जनाको मृत्यु भएको छ । हिजो साँझ गौरीगंगा नगरपालिका-९ मसुरियामा सुपप्र ०१-००१ क २४६४ नम्बरको बसले ठक्कर दिंदा सोही ठाउँ बस्ने ८४ वर्षीय हर्कबहादुर बमको मृत्यु भएको प्रहरीले बताएको छ ।
जिल्ला प्रहरी कार्यालय कैलालीका प्रवक्ता डिएसपी कवीन्द्रसिंह बोहोराले सडकमा बाटो काट्ने क्रममा बमलाई बसले ठक्कर दिएको बताए । बमको हिजो राति धनगढीको निसर्ग अस्पतालमा उपचारका क्रममा मृत्यु भएको डिएसपी बोहोराले जानकारि दिए ।
