काठमाडौंबाट पोखरा जाँदै गरेको गाडी दुर्घटना
असोज, १४ काठमाडौं । काठमाडौंबाट पोखराका लागि जाँदै गरेको गाडी नुवाकोटमा दुर्घटनामा भएको छ । आज दिउँसो नुवाकोटको शिवपुरी गाउँपालिका-७ चापाबोटस्थित सडकबाट अन्दाजी ३० मिटर तल खसेको जिल्ला प्रहरी कार्यालयका डिएसपी तिलक भारतीले बताए ।
ग १ ख ४५३५ नम्बरको गाडी खसेर रूखमा अड्किएको हो। दुर्घटनामा घाइते भएका १२ जनालाई काठमाडौंको ग्रिनसिटी अस्पतालमा ल्याइएको छ। यो सडकखण्ड काठमाडौंबाट नुवाकोटको त्रिशुली हुँदै गल्छी पुगेर पृथ्वी राजमार्गमा जोडिन्छ।
