मोटरसाइकल दुर्घटना हुँदा दुई जनाको मृत्यु
असोज, १५ काठमाडौं । कैलालीमा मोटरसाइकल दुर्घटना हुँदा दुई जनाको मृत्यु भएको छ। काठमाडौंदेखि दसैंका लागि घर आइरहेका बेला गौरीगंगा नगरपालिका वडा नम्बर १ को पूर्व—पश्चिम राजमार्गमा मोटरसाइकल दुर्घटनामा परी मृत्यु भएको हो।
उक्त ठाउँमा दुईवटा मोटरसाइकल एक आपसमा ठोक्किएका थिए। बा ९५ प ९२५२ नम्बरको मोटरसाइकल र विपरीत दिशाबाट आउँदै गरेको से ६ प ६२७९ नम्बरको मोटरसाइकल एक आपसमा ठोक्कीएको जिल्ला प्रहरी कार्यालय कैलालीले बताएको छ ।
दुर्घटनामा कञ्चनपुर शुक्लाफाँटा नगरपालिकाका २६ वर्षीय चिरञ्जीवी मल्ल र कैलालीको जानकी गाउँपालिका–८ का २० वर्षीय निर्मल चौधरीको मृत्यु भएको जिल्ला प्रहरी कार्यालय कैलालीका प्रवक्ता प्रहरी नायव उपरीक्षक कवीन्द्र बोहराले जानकारि दिए ।
