सितापाइलामा पार्क गरेर राखिएको कारमा आगलागी
कार्तिक, ५ काठमाडौं । काठमाडौंको सितापाइलामा पार्क गरेर राखिएको कारमा आगलागी भएको छ। आज बिहान सीतापाइलामा सडक छेउ रोकेर राखिएको बागमती प्रदेश ०१-०२९ च ५९५० नम्बरको विद्युतीय कारमा आगलागी भएको हो।
अहिले कारमा लागेको आगो पूर्ण रूपमा नियन्त्रणमा आइसकेको सिआरभी सीतापाइलाका प्रहरी सहायक निरीक्षक शशीकुमारले बताउनुभयो । प्रसनि मण्डलका अनुसार तार सर्ट भएर कारमा आगलागी भएको हो। कारमा लागेको आगो दमकलको सहायताले निभाइएको छ।
