सय दिनमा ओलीजीले राम्रो काम गरेका छन्: देउवा
कात्तिक, ९ काठमाडौं । नेपाली कांग्रेसका सभापति शेरबहादुर देउवाले सरकारको १०० दिनको काम सन्तोषजनक रहेको बताएका छन् । कांग्रेस सभापति देउवाले सरकारले १०० दिनमा गरेको कामबाट असन्तुष्ट हुनुपर्ने कुनै कारण नरहेको बताए । १०० दिनलाई मैले त राम्रो मानेको छु ।
बाढी पहिरोमा पनि सरकारले उद्धार र खोजी गरेको उनले बताए । एमाले अध्यक्ष केपी शर्मा ओलीले दुई वर्ष सरकारको नेतृत्व गर्ने र त्यसपछि डेढ वर्ष आफूले नेतृत्व गर्ने सहमति भएको भन्दै उनले भने, ‘कहाँ कांग्रेस असन्तुष्ट छ, कसले भन्यो कांग्रेस असन्तुष्ट छ भनेर’ सभापति देउवाले भने, ‘सानातिना समस्या एउटै पार्टीभित्र त हुन्छ ।
