ट्याक्टर र मोटरसाइकल ठोक्किँदा एक जनाको मृत्यु
मंसिर, ६ काठमाडौं । उदयपुरमा ट्याक्टर र मोटरसाइकल एक आपसमा ठोक्किँदा बाबुको मृत्यु भएको छ भने २ छोरा घाइते भएका छन् । मदन भण्डारी राजमार्गको गाईघाट–बेल्टार खण्डमा पर्ने त्रियुगा नगरपालिका–१३ असारीमा प्रदेश १–०५–००१ प.४२६ र विपरित दिसाबाट आउँदै गरेको ट्याक्टर एकआपसमा ठोक्किएर दुर्घटना भएको हो।
दुर्घटनामा परी त्रियुगा नगरपालिका–१३ निवासी ४५ वर्षीय महादेव चौधरीको मृत्यु भएको हो । दुर्घटनामा परेर मृतक चौधरीका १० वर्षीय छोरा कृष्ण चौधरी र १५ वर्षीय छोरा दिवाकर गम्भीर घाइते भएको जिल्ला प्रहरी कार्यालयका सूचना अधिकारी डिएसपी राजन चापागाईंले बताउनुभयो । चौधरीका घाइते छोराहरूको जिल्ला अस्पतालमा प्राथमिक उपचारपछि थप उपचारका लागि विराटनगर रिफर गरिएको डिएसपी चापागाईंले जानकारि दिनुभयो ।
