सिन्धुलीमा मोटरसाइकल दुर्घटना हुँदा एक जनाको मृत्यु
मंसिर, ९ काठमाडौं । सिन्धुलीमा मोटरसाइकल दुर्घटनामा एक जनाको मृत्यु भएको छ। हिजो बेलुकी ७ बजे सिन्धुलीको कमलामाइ नगरपालिका-९ इनारपानीमा भिमानबाट चन्दनपुर जाँदै गरेको ना ४७ प ६४४ नम्बरको मोटरसाइकल दुर्घटना हुँदा चालकको मृत्यु भएको हो।
मृत्यु हुनेमा महोत्तरीको बर्दिबास नगरालिका-२ हङकङडाडाका २५ वर्षीय नारायण श्रेष्ठ रहेको जिल्ला प्रहरी कार्यालय सिन्धुलीका डिएसपी अनिलकुमार खड्काले बताए । डिएसपी खड्काका अनुसार मोटरसाइकल अनियन्त्रित भई सडकको बायाँ साइडको पिलरमा ठोक्किँदा चालक गम्भीर घाइते भएका थिए। उनको उपचारका क्रममा जिल्ला अस्पताल सिन्धुलीमा हिजो बेलुकी नै मृत्यु भएको हो।
