गठ्ठाघरमा ट्रकले ठक्कर दिँदा १ जनाको मृत्यु
मंसिर, १३ काठमाडौं। भक्तपुरको गठ्ठाघरमा ट्रकले ठक्कर दिँदा एक जनाको मृत्यु भएको छ। आज बिहान ७ बजे मध्यपुर ठिमी नगरपालिका-३ गठ्ठाघर चोकमा ट्रकले ठक्कर दिँदा १ जनाको मृत्यु भएको जिल्ला प्रहरी परिसर भक्तपुरका डिएसपी ढुण्डिराज न्यौपानेले बताए ।
भक्तपुरबाट काठमाडौं तर्फ आउँदै गरेको ना ८ ख २३११ नं.को १२ चक्के ट्रकले बा प्र.०२-०३८प ४४०१ नं.को स्कुटरलाई ठक्कर दिएको थियो। उक्त स्कुटरका चालक भक्तपुर नगरपालिका-५ घर भई ललितपुरको नखिपोट बस्ने ४३ वर्षीय जिते देउला र उनकी ४१ वर्षीया श्रीमती नविना देउला घाइते भएका थिए। उनीहरू दुबै जनालाई उपचारको लागि अस्पताल पठाइएको थियो। उपचारको क्रममा नविनाको भक्तपुर इन्टरनेशनल अस्पतालमा मृत्यु भएको डिएसपीले बताउनुभयो।
