दाङमा बस दुर्घटना हुँदा २१ जना घाइते
मंसिर १४ काठमाडौं । दाङको घोराहीबाट तुलसीपुर जादै गरेको बस दुर्घटना हुँदा २१ जना घाइते भएका छन्। जिल्ला प्रहरी कार्याल दाङका अनुसार आज बिहान तुलसीपुर उपमहानगरपालिका-१८ बिजौरीको डाँडागाउँ नजिक रा १ ख १३८२ नम्बरको बस दुर्घटना हुँदा घाइतेमध्ये ३ जनाको अवस्था गम्भीर छ।
घाइतेहरुको राप्ती अस्पताल तुलसीपुरमा उपचार भइरहेको जिल्ला प्रहरी कार्यालय दाङका डिएसपी इश्वर थापाले बताए । घटनाको अनुसन्धान भइरहेको प्रहरीले बताएको छ ।
