प्रधानमन्त्री आज फर्कंदैछन् स्वदेश
मंसिर, २० काठमाडौं । प्रधानमन्त्री केपी शर्मा ओली चीनको ४ दिवसीय औपचारिक भ्रमण पूरा गरी चीनबाट काठमाडौंको लागि प्रस्थान गरेका छन् ।
प्रधानमन्त्री ओलीलाई बेइजिङ क्यापिटल अन्तर्राष्ट्रिय विमानस्थलमा चीनका उपपरराष्ट्रमन्त्री सुन बेइदोङ तथा चीनका लागि नेपालका राजदूत कृष्णप्रसाद ओलीलगायत चीनस्थित नेपाली दूतावासका वरिष्ठ अधिकारीहरूले उनको बिदाइ गरे ।
स्थानीय समयअनुसार चीनबाट बिहान एघार बजे नेपाल प्रस्थान गरेका प्रधानमन्त्री ओली नेपाली समयअनुसार दिउँसो साढे २ बजे काठमाडौं आइपुग्ने प्रधानमन्त्रीको सचिवालयले बताएको छ ।
