नेपाल पत्रकार महासङ्घको अध्यक्षमा निर्मलाको जीत निश्चित
मंसिर, ३० काठमाण्डौ । नेपाल पत्रकार महासङ्घको अध्यक्षमा निर्मला शर्माको जीत निश्चित भएको छ । केन्द्रीय निर्वाचन समितिका अनुसार केही मत गन्न बाँकी भए पनि शर्माको गन्न बाँकी भन्दा बढी मतान्तर भइसकेको छ ।
हिजो राती सम्मको मतगणनामा निर्मला शर्मा निकटतम प्रतिस्पर्धी रमेश विष्टभन्दा १००० मतले अगाडि हुनुहुन्छ । शर्माको जीतसँगै नेपाल पत्रकार महासङ्घले इतिहासमा पहिलो पटक महिला नेतृत्व पाउँदैछ । शर्मा नेपाल प्रेस युनियन र प्रेस चौतारी नेपालको साझा उम्मेदवार हुनुहुन्छ ।
