Yeti Khabar

२०८१ चैत्र २२, शुक्रबार - Fri Apr, 2025 -

हुम्लाको सर्केगाड गाउँपालिका, भदालीमा राखिएको नेपाल टेलिकमको टावर तोडफोड

पुस, ७ काठमाडाैं । हुम्लाको सर्केगाड गाउँपालिका-५ को भदालीमा राखिएको नेपाल टेलिकमको टावर तोडफोड भएको छ ।

टावर तोडफोड भएसँगै सर्केगाड गाउँपालिकावासी सञ्चारविहीन भएका छन् । अज्ञात समूहले राति गएर सोलार तोडफोडदेखि तारहरू चुडालेपछि दुई दिनदेखि सर्केगाडबासी सास्ती खेप्नु परेको हो ।भदालीमा रहेको टेलिकमको टावर तोडफोड भएपछि सर्केगाड गाउँपालिकाको काम पनि प्रभावित भएको वडानम्बर ४ का छवि थापाले बताए ।

टेलिफोन सेवा अवरुद्ध हुँदा गाउँपालिका केन्द्र सर्केगाड, वडा-१, ४, ५, ६, ७ र ८ नम्बर वडाका सेवाग्राही फोन सम्पर्कमा जोडिन नसकेको बताएको छ । नेपाल टेलिकमको टावर तोडफोड भएपछि स्थानीय सेवाग्राहीहरूले सास्ती खेप्नु परेको नेपाल टेलिकम हुम्लाका प्राविधिक सहायक गोर महतले बताए ।

प्रहरी मुचुल्का नआएसम्म मर्मत नहुने महतको भनाइ छ । तीनपटक तोडफोड भएको महतले बताए । सर्केगाडमा इकाला प्रशासन कार्यालय, सिटिजन्स बैंक, अन्य विभिन्न संघसंस्थाका उपशाखा समेत रहेका छन् । फोन सेवा नहुँदा कार्यालयको दैनिक कामकाजको जानकारीका साथै सूचना सम्प्रेषणमा समेत समस्या बनाएको छ ।

Company Information

यती मिडिया प्रा.लि.(Yati Media Pvt. Ltd.)
अध्यक्ष: मोतिसरा खड्का
सम्पादक: डम्बर विक्रम कार्की
सह सम्पादक: खड्ग बहादुर रम्तेल
कानुनी सल्लाहकार: राम नारायण विडारी (वरिष्ठ अधिवक्ता)
सुचना तथा प्रसारण विभाग दर्ता नं
3193-2078/2079
कम्पनी दर्ता नं: 283675/078/079
प्यान नं: 610213157

Contact Information

Yati Media Pvt. Ltd.
Putali Galli, Kalanki, Kathmandu

01 5315254, 9851100556
info@yetikhabar.com
www.yetikhabar.com