गोरखा-ताकुकोट सेवा समाज, काठमाडौंकाे नवाैं साधारण सभा काठमाडाैंमा सम्पन्न

पुस, ७ काठमाडौं । गोरखा ताकुकोट सेवा समाज काठमाडौंको नवौं बार्षिक साधारण सभा तथा नयाँ कार्यसमिति निवार्चन सम्पन्न भएको छ । पुस ६ गते शनिवार काठमाडौं स्थित खरिबोटमा रहेका मदर्श पाटी प्यालेसमा नवौं साधारण सभा सम्पन्न भएकाे हाे ।
सभामा पूर्व प्रधानमन्त्री तथा माओवादी केन्द्रका अध्यक्ष पुष्पकमल दाहाद (प्रचण्ड) लगाएत अन्य नेताहरूकाे उपस्थिति रहेकाे थियाे । अधिवेशनले अनुप श्रेष्ठको अध्यक्षतामा १३ जनाको नयाँ कार्यसमिति निर्वाचित गरेको संस्थाका उपाध्यक्ष राजन बाबु श्रेष्ठले बताए ।

यस नवौं साधारण सभाको अधिबेसनले पादाधिकारी सर्वसहमत निर्वाचित गरेको छ । अध्यक्ष अनुप श्रेष्ठ, उपाध्यक्ष राजन बाबु श्रेष्ठ, महासचिव धिरज उपरकोटी, सचिव होम नारायण श्रेष्ठ, कोषाध्यक्ष भिम प्रसाद देवकोटा र संस्थाका सदस्याहरु अनिल पनेरु, ईन्दिरा भट्ट ढकाल, हरिराम आले मगर, विकास बाबु परियार, नानु बेलबासे हिरा, शेर बहादुर गुरुङ शितल, चिनु सुवेदी, जिबन जोशी निर्वाचित भएकाे महासचिव धिरज उपरकोटीले बताउनु भयो ।

संस्थाको नवौं वार्षिक साधारण सभाको अवसरमा गोरखा जिल्लाको बारपाक सुलिकोट गाउँपालिका स्थित माध्यामिक विद्यालयहरुबाट एस.ई.ई. (SEE) २०८० मा सर्वोकृष्ट जि.पि.ए. प्राप्त गर्ने श्री जलकन्यादेवी माध्यमिक विद्यालयको बिद्यार्थी एलिसा परियार लाई रु.११,०००।- (एघार हजार रुपैया) नगद पुरस्कार सहित कार्यक्रमको प्रमुख अतिथि पूर्व प्रधानमन्त्री तथा गोरखा क्षेत्र न २ का सासंद माननीय पुष्पकमल दाहाल (प्रचण्ड ) ज्यूबाट सम्मान गरेका थिए ।

सोही अबसरमा गोरखा जिल्लाको साबिक ताकुकोट गा.वि.स. हालको बारपाक सुलिकोट गाउँपालिका वडा नं.६ स्थित श्री सूर्य ज्योति माध्यामिक विद्यालय, श्री माइकोट माध्यामिक विद्यालय र अन्तर ज्योति माध्यामिक विद्यालयबाट एस.ई.ई., २०८० मा सर्वोकृष्ट जि.पि.ए. प्राप्त गर्ने विद्यार्थीहरु क्रमश रिमा बराम , जीवन बराम , सन्जय श्रेष्ठलाई रु.१०,००० (दश हजार रुपैया) नगद पुरस्कार सहित सम्मान गरिएको थियो ।

संस्थाको आजीवन सदस्यहरुको छोरा छोरीहरु मध्येबाट एस.ई.ई. (SEE), २०८० मा सर्वोकृष्ट जि.पि.ए. प्राप्त गर्ने आजीवन सदस्य रमेश श्रेष्ठको छोरा रोमन श्रेष्ठलाई रु.१०,०००।- (दश हजार रुपैया नगद पुरस्कार सहित सम्मान गरिनुको साथै एस. ई. ई. (SEE) २०८० उर्तिण गर्ने आजीवन सदस्यहरुको छोरा/छोरीहरु सृष्टी बस्नेत, रीवाज श्रेष्ठ, बिहानी भट्ट, समृद्ध बस्ताकोटी , संगम श्रेष्ठ, प्रज्वल पनेरु, प्रवेश पनेरु, सिम्रन श्रेष्ठ, सोनी आले मगर, अभिनव आले मगर, आशिस आले मगर, बसन्त परियार,विपिना थापा, विशाल बडु, रोमिया सिंह थापा, सिद्धार्थ आले मगर, श्रेयना दवाडीलाई सम्मान पत्र सहित प्रमुख अतिथिबाट सम्मान गरिएको थियो ।

कार्यक्रमको उद्वघाटन पूर्वप्रधानमन्त्री तथा नेकप माओवादी केन्द्रका अध्यक्ष पुष्पकमल दाहाल प्रचण्ड गर्नु भएको थियाे । साथै राष्ट्रिय लोक गायक मनोज सिंह धामी र राम कुमार सुनुवार र स्थानिय कलाकारहरूको उपस्थितिमा सांस्कृतिक कार्यक्रम पनि रहेको थियो । कार्यक्रममा गोरखा ताकुकोट सेवा समाज काठमाडौं र गोरखा गण्डकी स्वास्थ्य क्लिनिक एण्ड गोरखा मनाशु मेडिकल हलको सहयोगमा निःशुल्क स्वास्थ्य शिविर पनि रहेको थियो । नव निर्वाचित उपाध्यक्ष राजन बाबु श्रेष्ठले २०८० /८१ काे आर्थिक प्रतिवेदन पनि प्रस्तुत गर्नुभएको थियो।
उक्त कार्यक्रममा गोरखा तथा अन्य जिल्लाका जिम्मेवारी व्यक्ति, राजनैतिज्ञ, बुद्वीजिवी, गोरखाबाट काठमाडौँमा बस्ने विभिन्न पेसा व्यवसाय गर्ने र अध्ययन अध्यापन गर्नुहुने् ताकुकोट बासीकाे बाक्लो उपस्थिति रहेकाे थियाे । यस संस्थाले आफ्नो गाउँ ताकुकोटबाट काठमाडौंमा बसोवास गर्ने व्यवसायी, कर्मचारी, विद्यार्थीरूलाई एकता बद्ध बनाउन निर्माण भएकाे बताए ।

कार्यक्रममा बोल्दै पूर्व प्रधानमन्त्री प्रचण्डले मतदान गरेर बिजय गराउनु हुने सम्पुर्ण मतादातालाइ धन्यावाद दिदै अब विकास निर्माणमा गोरखा र बारपाक सुलिकोट वरपर भौतिक पूर्वाधार विकासमा लाग्ने बताए । अन्य काम पनि गर्दै जाने मा जाेड दिए । हुडीखोलाको पुलको लागी पनि अर्थ मन्त्रालय र भौतिक पूर्वाधार विकास मन्त्रालयकाे सचिव संग पहल गरेको कुरा उक्त कार्यक्रममा बताए । अझै बारपाक सुलिकोट र ताकुकोट विकासका लागी थप विकास निर्माण सहित अन्य कार्यक्रमहरू पनि ल्याउने प्रतिबद्दता जनाए ।