छाउगोठमा सुतिरहेकी महिलालाई बाघले गर्यो आक्रमण
माघ, १४ काठमाडौं । कैलालीमा छाउगोठमा सुतिरहेकी महिलालाई बाघले आक्रमण गरेको छ । मोहन्याल गाउँपालिका- ७ कुइनेमा ४५ वर्षीय सरस्वती बिटालुलाई हिजो राति बाघले आक्रमण गरेको प्रहरीले बताएको छ ।
जिल्ला प्रहरी कार्यालयका प्रवक्ता प्रहरी नायब उपरीक्षक (डीएसपी) कबिन्द्रसिंह बोहराले घर नजिकै छाउगोठमा सुतिरहेको अवस्थामा बिटालुलाई बाघले आक्रमण गरेको बताए । उनको स्वास्थ अवस्था भने सामान्य रहेको प्रहरीले बताएको छ ।
