माघ, १५ काठमाडौं । सल्यानमा मोटरसाइकल दुर्घटनामा परेर एक युवाको मृत्यु भएको छ। कुमाख गाउँपालिका ७ हिलेका २६ वर्षीय गोपाल डाँगीको दुर्घटनामानामा मृत्यु भएको प्रहरीले बताएको छ। हिजो बेलुकी पौने ८ बजेतिर रा ७ प ४५५८ नम्बरको मोटरसाइकल अनियन्त्रित भएर दुर्घटनामा परेको थियो।

मोटरसाइकल दार्मा गाउँपालिका वड नम्बर ४ मौलाहाल्ने बजार नजिकैको सडकबाट तल खसेको थियो। दुर्घटनामा घाइते भएका डाँगीको उपचारका क्रममा जिल्ला अस्पताल खलंगामा बेलुकी साढे ९ बजेतिर मृत्यु भएको प्रहरी प्रवक्ता बाबुराम बस्नेतले जानकारि दिए ।