माघ, १५ काठमाडौं । प्रधानमन्त्री केपी शर्मा ओलीले मन्त्रिपरिषद् बैठक डाकेका छन्। आज बिहान ११ बजे प्रधानमन्त्री तथा मन्त्रिपरिषद्को कार्यालय सिंहदरबारमा बस्नेगरी उनले बैठक आह्वान गरेका हुन्।

सरकारका नियमित काम कारबाही र संसद्को हिउँदे अधिवेशनमा प्रस्तुत गर्ने विधेयकका विषयमा छलफल हुने एक मन्त्रीले बताए। यस्तै सरकारको कामकारबाहीको समीक्षा र मन्त्रालयगत एजेण्डाबारे पनि छलफल हुने बताइएको छ।