अखिल क्रान्तिकारीको अध्यक्षमा सापकोटा विजयी
माघ, १६ काठमाडौँ । अखिल क्रान्तिकारीको अध्यक्षमा विजयप्रकाश सापकोटा विजयी भएका छन् । बुधबार सम्पन्न मतगणनामा सापकोटा ७३ मतको अग्रतासहित विजयी हुन् ।
सापकोटा अध्यक्ष पुष्पकमल दाहाल प्रचण्ड पक्षधरहरुको प्यानलका उम्मेदवार थिए । अध्यक्षका लागि चार जनाको उम्मेदवारी परेको थियो । त्यस्तै, महासचिवमा रोशन थापा यसअघि निर्वाचित भइसकेका छन् । उनले जनार्दन शर्मा पक्षधर प्यानलबाट उम्मेदवारी दिएका थिए ।
कोषाध्यक्षमा पनि जनार्दन शर्मा प्यानलकै फूलमाया राना विजयी भएकी छिन् । निर्वाचन समितिले औपचारिक घोषणा भने गर्न बाँकी छ ।
