माघ, १८ काठमाडौं । ओखलढुंगा मानेभञ्ज्याङ गाउँपालिकास्थित भँडारे खोलामा दुर्घटना भएको गाडीका चालक भक्तपुरमा भेटिएका छन्। जिल्ला प्रहरी कार्यालय ओखलढुंगाका प्रहरी निरीक्षक मनीष लुइँटेलले दुर्घटनापछि फरार भएका चालक सुनसरी घर भएका २२ वर्षका अनिल पण्डित भक्तपुरको इन्टरनेश्नल अस्पतालमा उपचारत भेटिएको बताए ।

उहाँका अनुसार दुर्घटना भएपछि चालक फरार थिए। ‘चालक फेला नपरेपछि खोजीकार्य सुरु गरेका थियौँ,उहाँ भक्तपुरको इन्टरनेश्नल अस्पतालमा उपचाररत हुनुहुँदो रहेछ,हामीले अहिले निगरानीमा राखेका छौँ,’उनले भने।

हिजो भँडारे खोलामा सुमो दुर्घटना हुँदा आमाछोरासहित ३ जनाको मृत्यु भएको थियो। ना १ज ६४२१ नम्बरको सुमो खोटाङको कोपिलासगढी गाउँपालिकाबाट काठमाडौं आउँदै गर्दा दुर्घटना भएको हो। प्रहरीका अनुसार मृत्यु हुनेमा ५६ वर्षीया मायादेवी गुरुङ, उनका छोरा २८ वर्षीय पूजन गुरुङ छन्।