काठको गोलिया ओसार्ने क्रममा एक युवकको मृत्यु
माघ, २३ काठमाडौं । चौबिसे गाउँपालिका-८ वसन्तटारमा काठको गोलिया ओसार्ने क्रममा एक युवकको मृत्यु भएको छ। चौबिसे गाउँपालिका-७ लोफादिनका २७ वर्षीय मौसम चेम्जोङको मृत्यु भएको छ।
हिजो माथिबाट सडकमा झार्ने क्रममा गोलियाले किचेर टाउकोमा गम्भीर चोट लागेका चेम्जोङलाई उपचारका लागि बीपी कोइराला स्वास्थ्य विज्ञान प्रतिष्ठान धरान लगिँदै थियो। बाटोमै उनको मृत्यु भएको इलाका प्रहरी कार्यालय राजारानीका प्रहरी निरीक्षक महेन्द्र खड्काले बताए ।
घटनाको विषयमा अनुसन्धान भइरहेको प्रहरीले बताएकोछ। मृतक चेम्जोङको शव पोष्टमार्टम गरि परिवारलाई जिम्मा लगाउने जिल्ला प्रहरी कार्यालय धनकुटा प्रमुख प्रहरी उपरिक्षक श्यामसिंह चौधरीले बताए ।
