आज प्रतिनिधि सभाको बैठकमा प्रचण्डले सम्बोधन गर्ने
माघ, २४ काठमाडौं । प्रतिनिधि सभाको आजको बैठकमा प्रमुख प्रतिपक्षी दल नेकपा (माओवादी केन्द्र)को संसदीय दल नेता पुष्पकमल दाहाल प्रचण्डुले सम्बोधन गर्ने भएका छन्। १८ गतेको बैठकमा प्रमुख विपक्षी दलको तर्फबाट प्रचण्ड बोल्ने तय भएको थियो। त्यतिबेला दलीय आधारमा बोल्ने समय तोकिने भएपछि प्रमुख विपक्षी दलबाट प्रमुख सचेतक हितराज पाण्डे बोलेका थिए।
आजको बैठकमा भने पार्टी अध्यक्षसमेत रहेका प्रचण्डले बोल्ने तय भएको उनका स्वकीय सचिव रमेश मल्लले बताए । प्रतिनिधि सभाको आजको बैठक दिउँसो १ बजेदेखि सुरू हुनेछ।
