कांग्रेसको संसदीय दलको बैठक बस्दै
२४ माघ, काठमाडौं । नेपाली कांग्रेसको संसदीय दलको बैठक आज बस्दै छ । संसद भवनको ल्होत्से हलमा बिहान साढे ८ बजे बैठक डाकिएको नेपाली कांग्रेसले बताएको छ ।
बैठकमा मन्त्रीहरुले आफ्नो कार्यकालमा गरेका कामको बारेमा जानकारी र सांसदहरुले उठाएका प्रश्नको जवाफ दिने कार्यसूची छ । यसअघि बसेको बैठकमा सांसदहरुले आफ्नो धारणा राखिसकेका छन् । उक्त बैठकमा अध्यादेशबारे जानकारी दिइएको थियो ।
