शानदार म:म भवनमा आगलागी हुँदा घाइते भएका २ जनाको मृत्यु
माघ, २९ काठमाडौं । काठमाडौंको कमलपोखरीमा रहेको शानदार म: मको भवनमा आगलागीबाट घाइते भएका २ जनाको मृत्यु भएको छ। कीर्तिपुरस्थित बर्न अस्पतालमा उपचारको क्रममा २ जनाको मृत्यु भएको जिल्ला प्रहरी परिसर काठमाडौंका एसपी अपिलराज बोहोराले बताउनुभयो ।
उनका अनुसार हिजो राति ९ बजेतिर रविन राई र आज रातको २ बजेतिर भीमबहादुर घलेको मृत्यु भएको हो। माघ २३ गते शानदार मस्ममा ग्यास लिक भएर आगलागी भएको थियो। आगलागीबाट ११ जना कामदार घाइते भएका थिए। दुई जनाको मृत्यु भएको छ।
