शङ्खरापुरमा स्कुलबस दुर्घटना हुँदा तीन जनाको मृत्यु
फागुन, १ काठमाण्डौ । काठमाण्डौको शङ्खरापुर नगरपालिका–५ कात्तिकेको साँखु–नगरकोट सडक खण्डमा बुधाबार बेलुकी स्कुल बस दुर्घटना हुँदा ३ जनाको मृत्यु भएको छ । ४० जना घाइते भएका प्रहरीले बताएको छ ।
चाबहिलको एसएस एकेडेमीले रिजर्भ गरेको बा २ ख ७९५८ नम्बरको सुन्दरीमाई यातायातको बस ब्रेक फेल भइ अनियन्त्रित हुँदा दुर्घटना भएको जिल्ला प्रहरी परिसर काठमाण्डौले बताएको छ । वनभोज खाएर नगरकोटबाट साँखुतर्फ छुटेको बस साँझ ५ बजेतिर दुर्घटना भएको हो ।
