भक्तपुरमा गाडीको ठक्करबाट एक जनाको मृत्यु
फागुन, २ काठमाडौं । भक्तपुरको चाँगुनारायण नगरपालिका–३ कोल्पाकोट ओरालोमा आज भएको सवारी दुर्घटनामा परी एकजना वृद्धाको मृत्युभएको छ। व्यासीबाट झौखेलतर्फ जादै गरेको प्रदेश ३–०१–००३ क ४६३७ नम्बरको निशान गाडीले पैदलयात्री चाँगुनारायण नगरपालिका–५ पिखेल बस्ने ७२ वर्षीया केकई मग्रराती मगरलाई ठक्कर दिदा गम्भिर घाइते भएकी उनको उपचारको क्रममा मृत्यु भएको प्रहरीले बताएको छ ।
उपचारको लागि काठमाडौं मेडिकल अस्पताल दुवाकोट भक्तपुर लगेकोमा उपचारकै क्रममा चिकित्सकले मृत्यु घोषणा गरेको जिल्ला प्रहरी परिसर भक्तपुरले बताएको छ । चालक भक्तपुर भक्तपुर नगरपालिका–१० कमलविनायक बस्ने बर्ष ५४ को इन्द्रनारायण सितखु जिल्ला प्रहरी परिसर भक्तपुरको नियन्त्रणमा रहेको परिसरका सूचना अधिकृत ढुण्डीराज न्यौपानेले बताए ।
