फागुन, ४ काठमाडौं । पूर्वअर्थमन्त्री एवं माओवादी केन्द्रका सांसद वर्षमान पुनले शहीद मार्ग घोराही–रोल्पा खण्डको ३१ किलोमिटर सडक कालोपत्रे गर्न विनियोजन गरिएको बजेट सरकारले कटौती गरेकामा आपत्ति जनाएका छन्।

प्रतिनिधिसभा बैठकमा आज शून्य समयमा बोल्दै पुनले उक्त सडक खण्डका लागि छुट्याइएको १ अर्ब २५ करोडमध्ये ६८ करोड रकमान्तर गरिएको बताए। उनले सिमेन्ट उद्योगका टिपरका कारण सडकको अवस्था बिग्रिँदा दाङ, रोल्पा र रूकुम क्षेत्रका जनताको आवागमन असाध्यै कष्टकर भइरहेको बताए।

‘चालु आर्थिक वर्ष ०८१/०८२ मा शहीद मार्गको घोराही–रोल्पा खण्डको ३१ किलोमिटर सडक कालोपत्रे गर्नका लागि १ अर्ब २५ करोड रुपैयाँ रकमको व्यवस्था गरिएको थियो। हालै नयाँ सरकार गठन भएपछि सो रकमबाट ६८ करोड रकमान्तर गरिएको छ। सो खण्डको तुरून्त ठेक्का लगाउन सरकारको ध्यानकर्षण गराउँछु,’ पुनले भने, ‘त्यसैगरी दाङ, रोल्पा र रुकुम क्षेत्रका जनताको आवागमन असाध्यै कष्टकर भइरहेको छ।