बूढानीलकण्ठमा जुवा खेलाएको आरोपमा २४ भारतीय नागरिक पक्राउ
फागुन, ६ काठमाडौं । काठमाडौंको बूढानीलकण्ठमा अनलाइन जुवा खेलाएको आरोपमा भारतीय नागरिक पक्राउ परेका छन्। काठमाडौं उपत्यका अपराध अनुसन्धान कार्यालयको टोलीले हिजो राति छापा मारेर २४ जनालाई नियन्त्रणमा लिएको छ।
उनीहरूले अनलाइन जुवा खेलाउने गरेको आरोपमा पक्राउ गरिएको काठमाडौं उपत्यका अपराध अनुसन्धान कार्यालयका एसपी काजीकुमार आचार्यले बताए । उक्त समूहले दुईरतीन महिनामा १ अर्ब ६४ करोड ३९ लाख ५७ हजार ३४० रूपैयाँको कारोबार गरेको देखिएको छ। साथै उनीहरूको साथबाट २१ थान मोबाइल, ३८ थान ल्यापटप बरामद गरेको एसपी आचार्यले बताउनुभयो ।
