अमेरिकी राष्ट्रपति डोनाल्ड ट्रम्पले चीनमाथि थप १० प्रतिशत कर लगाउने बताउनुभएको छ । ट्रम्पले चीनबाट आयात हुने सामानहरुमा अघिल्लो महिनामा पनि १० प्रतिशत कर बढाउनुभएको थियो । त्यतिखेर पनि उहाँले फेरि कर बढाउने योजना बनाएको बताउनुभएको बीबीसीले जनाएको छ ।

अमेरिकी राष्ट्रपतिले व्यापार साझेदारहरूसँग व्यापारसम्बन्धी नीतिहरु लगातार परिवर्तन गरिरहनुभएको खबरमा उल्लेख छ ।राष्ट्रपति ट्रमले हिजो मात्रै क्यानडा र मेक्सिकोबाट आयात हुने सामानमा २५ प्रतिशतले कर लगाउने चेतावनी दिनुभएको थियो । चीन, मेक्सिको र क्यानडा अमेरिकाका प्रमुख तीन व्यापार साझेदारहरू हुन् ।

गएको वर्ष यी देशले अमेरिकामा आयातको ४० प्रतिशतभन्दा धेरैको योगदान गरेका थिए । तीन देशका सामानहरूमा बढाइएको करका कारण अमेरिकामा प्राय सबै सामानमा उच्च मूल्य वृद्धि हुनसक्ने भन्दै अर्थशास्त्रीहरूले चेतावनी दिइरहेका छन् । एजेन्सी