ताप्लेजुङको मेरिङदेन गाउँपालिकामा युवा मृत फेला
फागुन, २१ काठमाडौ । ताप्लेजुङको मेरिङदेन गाउँपालिकामा पर्ने सान्थाका-थुकिमा सडक खण्डमा एक जना मृत फेला परेका छन्। जिल्ला प्रहरी कार्यालय ताप्लेजुङका प्रवक्ता तथा सूचना अधिकारी प्रहरी निरीक्षक विवेक बस्नेतका अनुसार अन्दाजी १७-१८ वर्षीय युवा मृत अवस्थामा भेटिएका छन्।
उनको पहिचान नखुलेको प्रहरीले बताएको छ। प्रहरी टोली घटनास्थलतर्फ परिचालित भएको र घटनास्थल पुगेपछि मात्र विस्तृत विवरण आउने प्रहरीले बताएको छ। घटना शंकास्पद रहेको आधारमा प्रहरीले अनुसन्धान समेत सुरु गरेको समेत प्रहरी निरीक्षक बस्नेतले बताए ।
