आगामी जेठमा राष्ट्रिय सम्मेलन गर्ने वाईसीएलको निर्णय
फागुन, २३ काठमाडौँ । माओवादी केन्द्रको भ्रातृ संगठन योङ्ग कम्युनिस्ट लिग नेपाल (वाईसीएल)ले आगामी जेठमा राष्ट्रिय सम्मेलन गर्ने भएको छ । वाईसीएलका प्रवक्ता नवराज ऐरले संगठनको तेस्रो ऐतिहासिक राष्ट्रिय सम्मेलन जेठ १७, १८ र १९ गते काठमाडौँमा गर्ने निर्णय भएको जानकारि दिनुभयो ।
अध्यक्ष सुबोधराज सेर्पालीको अध्यक्षतामा फागुन २१ र २२ गते बसेको केन्द्रीय कार्यालयको बैठकले उक्त निर्णय गरेको जानकारी दिँदै उनले त्यसअघि केन्द्रीय समितिको चौथो पूर्ण बैठक फागुन २७ गते भर्चुअल माध्यमबाट बस्ने निर्णय भएको बताए ।
